Int fl-Ewropa 13 Feb 2026

Int fl-Ewropa – Malta fi żvantaġġ kbir biex tibbenefika mill-fond tas-solidarjet?

Dettalji tal-Episodju

Il-ħsarat kollha li ġarbet Malta u Għawdex wara l-maltempata Harry xorta ma jlaħħqux il-kriterju ta’ €121.5 miljun u għalhekk ma jikkwalifikawx għall-fondi mill-fond ta’ solidarjet?, li l-UE għandha apposta biex tgħin pajjiżi li jkunu ġarbu ħsarat minħabba kawża naturali jew nirien. Dan l-iżvantaġġ ta’ pajjiżi żgħar bħal Malta u reġjuni żgħar ittella’ fuq l-aġenda tal-Parlament Ewropew nhar it-Tlieta li għadda hekk kif sar dibattitu dwar il-frekwenza ta’ dawn it-tip ta’ maltempati u dwar kif l-UE se tilqa’ għalihom u kif il-mekkaniżmu ta’ solidarjet? jista’ jitħaddem aħjar. Sadanittant il-programm Int fl-Ewropa tkellem ma’ Charles Tanti, Uffiċjal tekniku għoli għas-sorveljanza tas-suq fi ħdan l-MCCAA, dwar is-sigurt? tal-prodotti fuq is-suq Ewropew. Tanti spjega li Malta qegħda f’kommunikat kontinwu ma’ Awtoritajiet oħra Ewropej biex il-prodotti li jaslu fil-pajjiż ikunu eżaminati qabel ma’ jidħlu fuq is-suq jew jaslu għand il-konsumatur. L-MCCAA hija responsabbli mill-prodotti kollha barra l-mediċini u l-ikel – dawn jieħdu ħsiebhom awtoritajiet ohra. Waqt il-programm ġie spjegat ukoll li l-Unjoni Ewropea għanda web-crawlers apposta biex ta’ kuljum jaraw il-prodotti l-ġodda li jitpoġġew fuq dawn il-pjattaformi, jissorveljaw d-dettalji tal-manifattura kif ukoll jibgħatu sinjal ta’ periklu jekk jinnutaw prodott b’kimiċi illegali jew inkella perikolużi.

Ara kollha →